 |
Boht Masroof Lamhoon main
Boht Masroof Lamhoon main
Koi ik Pal ko spcho to
Koi kitna akela hy
Ksi ki zindgi tum ho
Ksi ki Bandagi Tum Ho
Ksi ko Teri Khwahish hy
Ksi ki chahtain Tum ho
Kabhi ik pal ko socho to
Tumhari bewafai ny
Tumhari laparwai ny
Tum Benyazi ny
Ksi ko maar Dala
Koi zinda to hy Lekin
Faqat wo sans leta hy
Zara ik pal ko socho to
Koi kitna akela hy
*******
Kuch Meethy lamhy mangy thy
Kuch Meethy lamhy mangy thy
Kuch sard Hawain mangi thin
Hum ny to Zamany Waloon sy
Do char wafain mangi thin
Barsat k har ik badal ny
G Bhar k hum ko tarsaya
Hum Bheeg sakain ye socha tha
Or kali ghatain mangi thin
Nakaam Huey jo Ulfat main
Majboor huey jo milny sy
Kuch un k liey Kuch apny liey
Hum ny bhi duain mangi thin
*****
Dua
Umar k samandar main
Roshni ki khwahish main
Waqt k sitary hain
Jis Khuda ny ye dharti ,
Ye Falak Snwary hain
Us sy ilteja hy ye,
Wo apki qismat main
ILAM ki rida likh dy
Waqt ki ada likh dy
Pyar ki inteha likh dy
Rizq bepanah likh dy
Maan ki dua likh dy
or apni raza likh dy
(Ameen)
*******
Bara dushwar hota hy
Bara dushwar hota hy
Zara sa fasla rkhna
k jeewan ki kahani ko
byan-e-bezubani ko'
kahan sy yaad rkhna hy
kahan sy bhool jana hy
kis sy kitna chupana hy
kisy kitna batana hy
kahan ro ro k hansna hy
kahan hans hans k rona hy
kahan awaaz deni hy
kahan khamosh rehna hy
kahan tak sath chalna hy
kahan rasta badalna hy
kahan ja k rukna hy
kahan sy loat ana hy
Bara dushwar hota hy
zara sa fasla rakhna
*********
Meri sadgi mera jurm hy
yahan chahton ka sila nhi
yahan dosti ka maza nhi
yahan jany kesi hawa chali
rahi doston main wafa nhi
yahan jal gya mera ashyan
abhi badiloon ko pata nhi
tery dar py dastak dy sakoon
ye haq toon ny mjhy dya nhi
main raahi hoon rah-e-umeed ka
mjhy manzilon ka pata nhi
be bas hoon jahan main itna
jesy mera koi khuda nhi
meri sadgi mera jurm hy
koi or meri khata nhi
*******
Taskeen na ho jis sy wo raaz badal dalo
Taskeen na ho jis sy wo raaz badal dalo
jo raaz na rakh paey , hamraz badal dalo
tum ny b suni ho gi ,bari aam kahawat hy
Injam ka ho khatra ,aagaz badal dalo
pur soaz dilon ko jo muskan na dy paey
sur hi na mily jis main wo saaz badal dalo
Dushman k iradoon ko hy zair agar krna
Tum khail wohi khelo, andaz badal dalo
Ay Dost! kro himmat, kuch door sawera hy
gar chahty ho manzil ,parwaaz badal dalo.
*******